Kabáw

Vastelaovessezoen 2018, Nómmer 2
Teks en Meziek: Thei Wessels
Jaortal: 2018
Zangk: Koeraasj
CD: Veer zeen Zitterd (2018)

Koeplèt 1:
Höbste effe geine fut? Oze raod dae loed:
Woróm langer aangetut? Haol dien pèkske oet
Maak ’t gek en doog gerös knatsjgek wie ein raad
Zoeg dich vol mit laeveslös. Haufvol is ’t vaat
Vergaet die wèntjerkaw en laot dich lekker gaon en…

Refrein:
Maak…èns…väöl…Kabáw!
En haw de trómme bóntj en blaw
Dan kómme de verkleide gaw
Die gaeve dich drek nuuje enersjie (En wie en wie!)
Kabáw!
Van al dat klaene mirkste gaw
Doe lös de vastelaovend raw
Dan is dae razel dazel zo veurbie

Koeplèt 2:
Is ’t allemaol flut? Bèn dan geine sump
Laot dien kans neit ónbenut es d’n optoch kump
Volg geweun dien eige plan. Man dan krigste kaer
Maak éns remmie demmie dan. Trèk mer flink van laer
Vergaet die wèntjerkaw en laot dich lekker gaon en

Brök:
Dat is toch neit ónaeve dees drie daag therapie
De vastelaovend krigste zo d’rbie

Sjlot:
Dus maak éns väöl kabáw dan vuilste dich neit meer zo flaw