Blifs in mien hart

2018 B

Vastelaovessezoen 2018, Nómmer 5
Teks en Meziek: Sjohn Smeets en Gian Prince
Jaortal: 2018
Zangk: Bart & Lejao
CD: Veer zeen Zitterd (2018)

Refrein:
Blifs in mien hart, hie kóm ich ummer trök
Doe bès mien sjtad, vol leifde en gelök
Blifs in mien hart, zolang veer nog wiejer blieve gaon
Doe bès mien sjtad, van lache en ein traon

Koeplèt 1:
Tradieses in ós sjtedje, zeen veer mit opgegruijd
Loester éns nao ós, wie dit awt plaetsjke bluijt
Vastelaovend viere, dat sjteit hie baovenaan
Sint Rosa en sint Joep, sjtaon ouch hoog in de vaan
Feeste kènne veer viere, haos waal jeder waek
Dan heurste hermenieje, de Phil en ouch de Paek

Koeplèt 2:
Noe kiek de grote taore van de sint Petrus kirk
De basiliek en klooster, dao wurt nog aan gewirk
Klup Wovan, Marotte en klein sjötterie
Veer drènke sjtadse sjnaak, oet eige broewerie
Teun bezóng ós sjtedje, dae deich dat toch zo sjoon
Van Kiek éns in ’t glaeske, waat waar dat fien van Toon

Koeplèt 3:
Mer ein maol in ’t jäörke, is vastelaovend hie
Blif geine minsj mee bènne, is jederein d’rbie
In kaffeekes duuje, die zitte pratsjevol
De ganse Mert van Zitterd, sjteit dan van maskes bol
Es de sjtarre fónkele, hiej aan ’t firmament
Nog eine urke sjónkele, zo wie dat geine ként