Sjtèdje van veier sezoene

Vastelaovessezoen 2017, Nómmer 3
Teks: Guus Steinen, Meziek: Chrissy Steinen
Jaortal: 2017
Zangk: Don Kiesjot
CD: Wae oh Wae (2017)

Refrein:
Hie in Zitterd zitte de echte kampejoene
veer zeen ’t sjtèdje van de veier sezoene
nurges dreet dat vastelaovesklökske wie bie ós
veer zeen geweun gewènd d’raan daste vruig beginne mós
ach …veer zouwe toch neit hie van Zitterd zeen
es veer ’t sjlós neit zouge es ’n nuuj begin.

Koeplèt 1:
nurges geit dat twelf maonje door zo wie bie ós
in Zitterd wit me daste oppe tied beginne mós.
drek nao Paosje, en dat doon veer ummer gaer
buige veer òs euver de nuuje vastelaovesleidjes haer

Koeplèt 2:
 ‘s zomers wurt hie al euver d’n optoch naogedach
’t plan wurd einfach op ’n viltje oppe dösj gelag
in september wurt de eesjte plank gezaeg,
veier sezoene lank zeen veer nao vastelaovend óngerwaeg

Brök:
veer weite alleneij dat dat hie deip van bènne zit
dat krig hie jederein van kèndjsaaf aan van hoes oet mit
’t Marotte riek maak daomit ’t versjil
noots sjteit ‘t vastelaovesklökske, hie bie ós in Zitterd sjtil

Outro:
Greutsj heure veer op L1 zo eind augustus jeder jaor
Zitterd haet es eesjte weier zien vastelaovesleidje klaor