Rundje Vastelaovend

Vastelaovessezoen 2017, Nómmer 2
Teks en Meziek: Petro Willems en Ed Geilen
Jaortal: 2017
Zangk: Gein Haor Baeter
CD: Wae oh Wae (2017)

Koeplèt 1:
Hiltj ’se ouch zo van meziek
Vastelaovesleidjes zènge
’t Hart sjleit mit de maot geliek
En de beinkes wille sjprènge
Dan dreeje veer ein plaetje
Zo’n rundje mit ein gaetje
En vuile ós de keuning te riek

Refrein:
Kóm mit mich mit ich gaef ein rundje vastelaovend
Kóm mit mich mit dan trèk veer same door de sjtad
Make sjpas, make lol
Danse en gaon oet de bol,
kóm mit v’r viere drie daag aan ein sjtök
Want ein rundje vastelaovend is ein rundje gelök

Koeplèt 2:
Dans ‘te veur dien laeve gaer
Wils de ganse daag bewaege
Get sjräöme door de meute haer
In de sjoon konfetti raege
Ein welske door de sjtraote
Zo’n rundje driekwaartsmaote
Doe vuils dich dan zo lóch wie ein vaer

Brök:
En wilste nog neit heivesj gaon, Is dich dat väöl te braaf
Sjöd dan nog maar ein rundje vastelaovend in alaaf