Zuus doe de Clown in mich

Z

Teks: Paul Donners, Meziek: Bettina Kamps
Jaortal: 1992
Zangk: Fieny Moerskofski
CD: Dao höbste häöm dao (2005)


Koeplèt 1:
Waer ich vastelaovesgek, is ’t de gouwe tied
Waer ich eine clown, dan is de paosje nog get wiet,
Tref ich dich, denk ich jao, misjien waal get gewaog,
Noe kiek èns in mien ouge, want ich höb nog ein vraog.

Refrein:
Zuus doe de clown in mich, dan is ’t vastelaovend,
En al die daag ben ich de keuniging van de sjpas
Mien ouge blinke zo wie de leichskes in d’n aovend
En deiste mich nao, dan zeen ich de sjpeigel van de lach
Mien ouge blinke zo wie de leichskes in d’n aovend
En deiste mich nao, dan zeen ich de sjpeigel van de lach

Koeplèt 2:
Noe ich dich getròffe höb, zo sjus op ozze Mert,
Noe wil ich ein muulke, want dat is mich alles waert
Same gaon v’r handj in handj, wie clowne gans geliek
De vastelaovend viere, hiej in os Marotte-riek!