Zittesje Tradisies

Z

Tekst & Meziek: Willy Jongen
Jaortal: 1985
LP: Zitterd, Riek aan Meziek (1985)
Zangk: Math Niël

Refrein:
Zittesje tradisies, die kènt toch jederein.
Jao, dao geit niks baove Zitterd, oos Zitterd gans allein.
Veural mit Vastelaovend is hie get aan de handj.
Laamaekesj van Zitterd sjtaon bekènd door gans ’t landj. (2x)

Koeplèt 1:
De paeperkouk, de vèrkesblaos, d’n hering en ’t maske.
De apeneutjes, laeverwoosj, ’t huitvleisj óm te nasje.
De pappegèy, de boerekeil, d’n auwe reipe rok.
St. Joep dae heurt bie Zitterd, jao, zo wie de nonnevot.
En noe zènge veer in koor: generasies lank geit Zitterd daomit door.

Koeplèt 2:
De bloudwoosj en de kraaktuut mit d’n auwerwètse oukouk.
De kroetwösj, mit ’t krómbrood en ’t auwt wief deit ’t ouch goud.
Waat denk geer van die auwerwètse Zittesje Revuu,
’t appelsienesjmiete, jeder jaor opnuuj.
En nou zènge veer in koor: generasies lank geit Zitterd daomit door.