Zittesje Maskes

Z

Teks: Lei Meisen, Meziek: Sjeng Kraft
Jaortal: 1992
Zangk: Lei Meisen (org.) / div.


Refrein:
Zittesje maskes ze zeen toch zoo leif,
jaor in jaor oet, altied zoo leif.
Es ze dich peune dan dreet zich de welt.
Zittesje maskes is ’t ènnige dat tèlt.
Zittesje maskes is ’t ènnige dat tèlt.

Koeplèt 1:
Van de zoomer olé, op nao Sjpanje oké.
’t Zunke dat brende, mer ich waor niet tevree.
De vrouwluuj die louge dao helemaol bloot.
Ich durfde neit te kieke dat woort miene dood.
Ich durfde neit te kieke dat woort miene dood.

Koeplèt 2:
En ’t wirk in d’n haof, alle gruinte hing sjlap,
de aerpel en keesje, ze waore te krap.
Mer doe koum dat maedje, ’t lachde mich aan.
Mien plentjes die bluide, ich waor de banaan.
Mien plentjes die bluide, ich waor de banaan.

Koeplèt 3:
Wat wilt dit noe zègge ? Noe loester mer mit.
Woo vinsjste zo’n vouwluuj heel knap en vol pit.
Kòm hie mer èns kieke, hie is ’t te doon,
de Zittesje maskes, die sjpanne de kroon.
De Zittesje maskes, die sjpanne de kroon.


Discografie:
MC: Böl van de Sjteivig (1992) zangk: Lei Meisen
CD:
111jaor De Marotte Zitterd (1993); zangk: Chris Maas