Zitterd mien leif sjtad

2015 Z

Vastelaovessezoen 2015, Nómmer 4
Teks en Meziek: René Haustermans
Jaortal: 2015
Zangk: Jan, Ron & Maike (Koeraasj)
CD: Raoze (2015)

Koeplèt 1:
’t Begin van ’t jaor
’t veurjaor sjteit klaor
Nog onzicbaar is ’t laeve
De kouw van de wentjer
Vech taege de zon
Dae ós nuuj laeve zal gaeve
Mer sjus mit die daag
Vuil ich dat ’t meis
Begint mien bloud weier te rieróre
Eine wèndj, eine vlaag,
Dae richtige geis
Om vastelaovend te gaon viere

Refrein:
Zitterd mien leif sjtad,
Draag ós mèr ’t veurjaor in
Zitterd, mien leif sjtad,
Gaef ós weier gouwe zin
Jao, in dit sjtedje vuil ich mich zo goud
Es dien laevendigheid os verwermp
Dien toores die wieze de zon taegemout
Es de wal ós mooderlik om-èrmp

Koeplèt 2:
Éns per jaor vier veer dat
Dan sjprèng veer in bad
In ein bad vol bóntje kleure
En pakke de jas,
Dae ós ’t beste pas
En wachte waat geite gebeure
Ein krakend awd wief
Wach lachend en sjtief
Op ’t les van sjlachtende krachte
En ’t maske geit aaf
Vergeit in ei graaf
Mer ei jòngk maedje sjteit te wachte