Zitterd Broesj

Z

Oet de Zittesje Revuu ‘Zitterd Broesj’ (1998)
Teks: Sjef Schurgers, Meziek: Rose Seller
Jaortal: 1998
Zangk: Peter Schurkens, Math Niël, Rob Strijkers, Anja Bovendeaard & Geert Cremers
CD: Zitterd Broesj (1999)

Intro:
Wilkóm luu op deeze aovend, wilkóm luu bie oos revuu.
Zitterd broesj op deze aovend.
Zèt uch sjrap en gaot noe geneite,
Belaef ’t fees noe mit ós mit.
Kleur, bóntje kleur.
Noe vuil ’t broesje in zien aore, d’n drök dae löp noe op.
Jao, heur ’t kloppe van zien hertje, d’n drök duut taege de sjtop.
Zitterd breit zich oet.
’t Sjpektakel geit noe beginne, want dae sjtop dae geit noe draaf.
Laeve Zitterd.
Kleur, bóntje kleur.
Lèt noe op, vergaet neit te kieke.
Ein sjtad die is verboewt, zo nuu en toch vertroewt.
Me zaet dan ouch dat ZITTERD BROESJ …

Zitterd Broesj… Zitterd Broesj… Zitterd Broesj… Zitterd Broesj…

Refrein:
Zitterd broesj, jao ram van ’t laeve.
Zitterd broesj, dao maak me get mit.
Zitterd broesj, dao kènt me zich gaeve,
Ein sjtad die vol mit kleure zit.

Koeplèt 1:
Gegruit van klein nao groote mertsjtad,
grensverlegkend en sjarmant.
En mit ein keur van auw tradisies,
van boer- nao zakelandj.

Koeplèt 2:
Gevórmp door Glouf van ein gemeinsjap,
kultuur en óngerwies zo riek.
Oetbreijing van de boete-wieke,
ein sjtedje vol meziek !

Sjlot:
Ein sjtad die is verboewt, zo nuu en toch vertroewt.
Me zaet dan ouch dat ZITTERD BROESJ …
Zitterd Broesj… Zitterd Broesj… Zitterd Broesj… Zitterd Broesj…