De Zittesje Optoch

Z

Vastelaovessezoen 1995, Nómmer 4
Tekst & Meziek: Reinhard Wind
Jaortal: 1995
Zangk: Frans Thissen
CD: Hie brent de lamp (1995)

Refrein:
Es d’n optoch trèkke maag, is d’r aller sjoonste daag, lek vinger, lek doem.
Van ’t prònksjtök oet oos sjtad, höbste nootsj genòg gehad, lek vinger, lek doem.
De sjoonste waages trèkke door de sjtraote, en maskes sjprènge weier oetgelaote.
Jao d’n optoch is ’t sjoonste oet òs Zittesj landj, lek vinger, lek doem.

Koeplèt 1:
De St. Joep die geit veurop, jaore lank gaon zie aan kop.
Kiek dae Hans dae blees zoo sjoon, oppe sax van oome Toon.
Dao kump Paul-Jean weier aan, drie daag löp hae mit zien vaan.
Mit ‘ne Bolhoud en ’n Naas, geef dae Jan wei’r drie daag gaas.
Noe blief neit in de boet, in Zitterd is get oet !

Koeplèt 2:
Kiek, dao kòmme ze, de Phil, jaore lank zeen zie de sjpil.
De Kanaarie van noonk Jeun flöt alweier gekke teun.
Dao kump Loek mit eine Laepel, oppe Kop wei’r eine Kaetel.
Zuuste john in vuur en vlam, door de Vònke oet de Pan.
En Math dae ruip: “Laot Gaon, Want sjtraks is ’t gedaon !”