Wie ich in dien auge keek

Teks & Meziek: Hans Wijnands
Zangk: Chris Maas en Caecil Theelen
LP: Zitterd, Riek aan Meziek (1985)

Refrein:
Ich waor verlaore wie ich èffe in dien ouge keek.
Ich woord verlaege, sjtóng te baeve, ich waor gans van sjtreek.
’t Góng vanzèlf, dat móste mich vergaeve,
dat ich dich doe gauw ei muulke höb gegaeve !

Koeplèt 1:
’t Waar mit vastelaovend, urges in òs Zittesj landj.
Ich drónk mich sjus ein glaeske beier, zo röstig aan de kantj.
Mèr doe wie dae meziek begoosj, hauw ich gèt aan den erm.
En wie ich in dien ouge keek, doe kreeg ich ’t zo werm …..

Koeplèt 2:
Jao, jaorelank zeen veer noe al ès man en vrouw biejein.
Ich drénk nog gaer ei glaas mit vrunj gezèllig óngerein.
En kóm ich sóms ens laat nao hoes, dan kiks te mich ens aan,
dan gaef ich dich ei blömke en dan zèng ich gans sjpontaan …..