Wae wurt de nuuje Prins?

Refrein:
Wae wurt de Prins? Wae?
De nuuje Prins? Dae?
Wae zjwejt de scepter mit de vastelaovend
Wae wurt de Prins? Wae?
De nuuje Prins? Dae?
Dao van druim ich vas jedere aovend

Went wurt ’t dae, dae, dae?
Of wurt ‘t hae, hae, hae?
Welke kanjer sjtaelt dit jaor de sjoo?
Went wurt ’t dae, dae, dae?
Of wurt ‘t hae, hae, hae?
Wae sjteit dit jaor in de majoo?

Koeplèt 1 (de Mechelkes):
Geine Justin Bieber of Jan Smit baove mien bèd
Mien hart wurt gesjtaole door ein sjtök, zo cool en vèt
Ich ben zo verleif op de Prins van veurig jaor
En nao de Krismes zeen ich in miene druim,
dae van kòmmend jaor

Koeplèt 2 (De Sjnaake):
Van ut prinssjap druime doon ich dèkser waal ens gaer
Op ut tillegram te sjtaon mit scepter, sjteek en vaer
Alle mechelkes nuime mich hun hartedeif
En mit d’n optoch dan sjanse ze get aaf,
zeen op mich verleif

Marc Verblakt OBS de Sjtadssjool