Waat Maakste Mich Noe?!

Refrein:
Waat, waat maakste mich dan noe
Waat maakste mich dan noe weier paraat
Waat, waat flikste mich dan noe
Waat höbste noe gemaak
De kraom versjangeleierd en ‘t dènk ram verzawt
Mèr dèks is ‘t ein kwestie van: ‘t kump waal goud
Waat, waat maakste mich dan noe
Waat höbste noe gemaak

Koeplèt 1:
’t Idee veur de waage dat waar gans gesjlaag
Tich maeter bònjte kleure, en zeker gewaag
Pès daags veur d’n Optoch in de Heksesjans
‘ne Sjebbetige klòmmel, mèr get in ein geflans

Koeplèt 2:
Oppe buun zènge mit ein richtig groot orkès
Pertiekes insjtudeiere, dèks woort get gesjtrès
D’n faelder dae is nog ummer ónbekènd
Mèr valsje note klónke, dao reip de ganse tent

Koeplèt 3:
Al dat blaere bezörg dich ein heisje sjtöm
D’n ober al in aantoch, mit gans get geklöm
Dao veil mich dat häörepaerd in vol ornaat
‘t Beier ram d’r naeve, pès op ‘t humme naat

Marc Verblakt Ouch Enne