Waat is mit ooze Sjera los?

W

Teks: Thuur Laudy, Meziek: Trad.
Zangk: div.


Koeplèt 1:
Waat is mit ooze Sjera los, d’n erme jong is krank.
Hae it niks mee en drink niks mee, noe al ei paar daag lank.
Hae wurt zoo mager es ein lat, es dat zoo door mòt gaon,
dan zeen ich ooze Sjera nog, ocherm, de gaerd aaf gaon.

Refrein:
Mer heurt ‘r boete ‘t geraos, sjnap hae zich gauw ein verkesblaos.
En in’ne wip vindj ‘r zien klik, woo ‘r drie daag mit te rölse lik.
Want vastelaovend maak ‘r mit, tot ziene allerlèste sjnik.
Want vastelaovend maak ‘r mit, tot ziene lèste sjnik.

Koeplèt 2:
Jao, Greit hauw Sjera krank gemaak, ‘t zag in zien gezich :
‘t is gedaon, ich maak ‘t aaf, ich hauwt neit mee van dich.
Begreep mer neit, es dat ‘m Greit in èns dao zitte leit,
mer noe ‘t vastelaovend is, vergit ‘r weier zien leid.

Koeplèt 3:
En löp ‘r mit ‘ne sjlupjas ròndj, of in eine boer verkleid,
dan dans ‘r op ‘t wieverbal, alweier èns mit zien Greit.
‘t Kèndj lug ‘m ‘t maske op en ruip, dach ich ‘t neit,
de vastelaovend Sjeer, en dich, uch twee verlaot ich neit.


Discografie:
LP: Zitterd Alaaf (1988); zangk: Gekke Teun oet Munstergelaen
CD: Doe höbs de kop los; zangk: Frans & Henny Lubbers