Waageboewer

Koeplèt 1:
Is ’t weier november kump me veur ’t eesj biejein,
Wurt ’t dan December de ideeje riepe fein.
Zeen de feesdaag euver, jao dat is ein feit,
De optochhal geit aope en dat deit gaar geine leid.

Refrein:
Eine waageboewer is neit van sjtein,
Mit sjliepsjief en iezer geit ’t van allein.
Gezette waere verzamelt, vies buikskes mage ouch,
En es de verf dan dreug is zuut me niks mee waat niet doug.

Koeplèt 2:
Jeederein dae hulp, wurt van te veur gans gecreend,
Lasje, verve, plekke, jao veur jeederein ’t zient.
Beste erg onhenjig, mer kaoke kenste goud,
Mit sop, zoervleisj en goulasj geefste ze dan wier mout.
En ’t vaenke wurt weier goud verkoch, de beusj vas in de handj,
Want veur ein paar cente kump d’n optoch weier tot sjtandj.
Kent geer weier klappe es de eige wage trek,
En hae haet dan geine pries, dat dan de zjurie mer verrek.

Koeplèt 3:
’s Aoves op de heksesjans komme de sjaories los,
De kretjes beier zeen onger op, de kastelein de klos.
Gesjreef en gevreigel en heel erg vööl gepaek,
Hae leet ze mer gewaere, zellef Vastelaovesgek
En de mörge van de optoch gaon de deure weier aop,
Es de verf mer dreug is, dat is toch wat jeederein haop.
De kleur goud gekaoze, dan is hae helemaol aaf,
Nog effe get confettie en de ganse buurt sjteit paaf!

Gian Prince Ton Meisen