Vip’s

Vastelaovessezoen 2009, Nómmer 3
Teks en Meziek: Thei wessels
Jaortal: 2009
Zangk: Paul-Jean Jessen
CD: Dat kent gebeure (2009)

Koeplèt 1:
Sjteiste bie de optoch in de raege
En hauwste dich dao waeke op verheug
Dan krigste mich inens de volle zaege
Mer baove oppe buun dao is ‘t dreug…

Refrein:
Dao zitte de VIP’s, Dae zitte de VIP’s
Gezellig aan de sjips
Dae dippe de VIP’s, Dao dippe de VIP’s
In gala of de sjlips
Dao zitte de VIP’s, Dao zitte de VIP’s
Ich denk dats doe begrips:
Die zulle neit male, die zulle neit bale
Die houve dat neit zellef te betale

Koeplèt 2:
Moste ens ein rundje gaon besjtelle
En wurt van wieds mit doosj op dich gewach
Dan sjteiste in de drökte langk te helle
Mer baove dao wurt alles rondj gebrach…

Koeplèt 3:
Wilste op ein feeske urges benne
Mer sjtelt me dich dao jaomerlik teleur
Doe wos dich toch ein polsbendje te wenne
Mer kiek: hun bendje haet ein anger kleur

Sjlot:
Dao zitte de VIP’s, dao zitte de VIP’s, dao dippe die dippe die dao…
… En boete is ‘t weier kale sjmale !