Veer zeen nog lang neit ever de datum hear

Teks en Meziek: Guus Steien
Jaortal: 2022
Zangk: Kwebbel & Sjnebbel (Cyrille Niël & Sjef Schurgers)
CD: Vastelaovend van Eijsde tot de Mookerhei, deil 29

Refrein:
Veer zeen nog lang neit, veer zeen nog lang neit euver de datum haer
Veer zees es eesjte, op alle feeste, want veer gaon nog ummer gaer.
Want veer weite, doe mós geneite
geine laeftied dae ós deze sjpas verzauwt.
zolang dien hart nog ummer sjleit, en ‘t meiste ‘t nog deit,
bèste veur vastelaovend noots te auwt.

Koeplèt 1:
Sjaak sjtóng neit mee oppe taofele mer waar nog ummer vief
en leip op zien ach-en-zeventigste Truuj taege ‘t leif.
‘t klikde drek, dao höbbe ze gaaroets neit lang veur gebroek,
die ware van begin aaf aan twee henj op eine boek.
Geneitend van ‘t laeve, hauwe ‘t nog neit gehad.
leipe zie mit vastelaovend zèngentaere door de sjtad

Koeplèt 2:
Ouch de prins van ‘t bejaardehoes dae hauw ‘t gans gemaak,
dae sjarmeur dae hauwt de harte van de vrouwluuj dao geraak.
De prinsoetruiping weite ze nog,…. zie louge in ein deuk.
de prins van 94 bedach zich deze sjpreuk:
“Al bèn ich neit meer ‘piep’ en ouch al riej’r ich wie ein vaer.
nae deze jóng is lang nog neit euver de datum haer!”

Brök:
En geiste neit,…es ‘t nog geit, sjnaps’te de lol van ‘t laeve neit.
Dus onthauwt,… dit noe mer gout, geiste neit dan bèste ‘t zellef sjout!

Outro:
Al zènge veer wie de krejje, de sjpas dae blif besjtaon
Veer zeen nog van die tejje, die altied blieve gaon!