Veer wille niks misse

Zittesj Vastlaovesleidjes Konkoer 2024, Nómmer 3
Teks en Meziek: Guus Steinen
Jaortal: 2024
Zangk: Koeraasj
CD: Ich Aom Zitterd (2024)

Intro
Zou veer nog get blieve?
Jao wat zulle v’r doon?
Ow Wat! Dao kump nog zoväöl tied óm heivesj te gaon!

Koeplèt 1
Zolang nog meziek klink, urges in ein kaffee,
Dènk veer ech neit aan heivesj gaon.
Hie zaet nemes hojje, hie zaet geine adee
Want doe vuils, ’t is nog lang neit gedaon.
’t Zeen altied dezellefde, geine wit wie dat kènt,
Dat veer ummer sjleite daoveur sjtaon veer bekènd.

Refrein
Zolang ’t lèste leidje neit gezónge is
Dènke veer ech nog neit aan heivesj gaon
Zolang ’t lèste glaeske neit gedrónke is
Is d’n aovend hie veur ós nog neit gedaon
Want veer wille besjlis neit dat eine get mis
En me ós hie óntnump dat ’t sjoonste nog kump
Zolang ’t lèste leidje neit gezónge is
Dènke veer echt nog neit aan heivesj gaon.

Koeplèt 2
Veer hawte d’r ech get gans bezunjers op nao
Veur ’t menke mit d’n hamer ós ruip
Zo lang nog meziek klink zeen veer vas nog waal dao
Mer ’t kan zeen dat de sjtad dan al sjleep
Ruip op ’t lès de kastelein: “Jónges noe is ’t sjloes!!!”
Dan vraog veer ós aaf mótte veer ech noe nao hoes?

Brök
’t Deipste duuster van de nach is veur ós sjlaag op sjlaag
’t allersjoonste deil van d’n daag.
De nach die fluustert dao bie, och blief nog get hie
Want mörge is noe toch al vandaag.

Sjlot
Al lik de sjtad ouch al lang op ein oor
Veer gaon ummer…….veer gaon ummer…….
Veer gaon ummer pès ’t allerlèste door