Vastelaovesnostalgie

Vastelaovessezoen 2001, nömmer 4
Teks: Frans van Binsbergen, Meziek: Jan van Daal
Jaortal: 2001
Zangk: Jan van Daal & Milda Eijckenboom-van Daal
CD: Wurt eine Laammaeker gebaore (2001)

Refrein:
Maskes tösje Domenic en Sjrage is gedaon.
Me zuut verkleide van de Sjteivig nao de Mert haer gaon.
Verkesblaoze, laeverwoosj en biete paeperkouk,
dat zuuste noe allein nog mer in ´t Zittesj Prèntebouk.
En went ich dao in kiek, dan dènk ich weier geliek,
de vastelaovend waar zo riek.
En went ich dao in kiek, dan dènk ich weier geliek,
aan vastelaovend vruiger, in os sjoon Marotteriek.

Koeplèt 1:
Ei richtig Zittesj awd wief, dat waar vruiger ein aw mem,
noe loupe de aw wiever sjlachtend mit de GSM.
Ei maske haet me niet mee op, jao, dat is ei gemis.
Mit twintig laoge sjmink wits doe metein al wae dat is.
Zo is de nujen tied, vaöl tradisies zeen veer kwiet …

Koeplèt 2:
´t Zittesj appelsiene sjmiete is uniek en sjoon.
Dat mót me hiej geweun mer op zien Zittesj blieve doon.
Want angesj ligke kènjer in de toekoms thoes op bed,
en vange appelsiene op ´t internet.
Zo is de nujen tied, vaöl tradisies zeen veer kwiet …

Koeplèt 3:
´t Maske dat begrave wurt, haet nemes hie nog op.
Ze gaon sjtrak nao de Kolleberg mit eine gesjminkde kop.
De fakkel dae me mitnump, es me sjnachs nao baove trèk,
dat is noe al ein pitsjlamp op eine ganse lange sjtek.
Zo is de nujen tied, vaöl tradisies zeen veer kwiet …