Vastelaoveskos

V

Vastelaovessezoen 2006, Nómmer 2
Teks: Jan Dieteren, Meziek: Michel Zelissen
Jaortal: 2006
Zangk: Sjpitsberger Sjtoepzengesj
CD: Dalik (2006)


Refrein:
Dat is de Vastelaoveskós, dat is de Vastelaoveskós,
Dao löste veer waal pap van en dat pruif nao meer.
Dat is de Vastelaoveskós, dat is de Vastelaoveskós,
’t ligk neit oppe maag en sjmaak veur twee.
Dao kriege veer de boek hiej noots van vol.
flink gepaepert mit get sjpas en lol.
Dat is de Vastelaoveskós, dat is de Vastelaoveskós,
dao lös veer pap van … en pruif nao meer!

Koeplèt 1:
Waekeliks kòmme veer biejein in òs fein sjtamkaffee,
Dao puzzele en doktere veer aan ein nuut idee.
Ein knepke kees, ein sjtökske woosj,
Get pilskes veur d’n doosj.
Zo geit dat noe al jaore langk
Kòmme langkzaam weier op gangk.

Koeplèt 2:
’t Rood gael gruin zit in ’t bloud dat sjtruimp ummer te-rök,
D’n ellefde van d’n ellefde is wie ein groot gelök.
Ein nuut verhaol, ein nuut begin,
Dat geef òs weier zin,
Zo ligge v’r dèks in ein deuk,
Kriege langzaam weier jeuk.

Koeplèt 3:
In de sjtal en in de hal wirk me gaar neit verkeerd,
Aan wages en aan nuuj kestuums, jao alles löp gesjmeerd.
De koffie kanne zeen gauw laeg,
De ertesop die sjmaak,
Zo blieve veer in vorm tip top,
Sjeite langzaam heel goud op.