Vastelaovend op recep

Vastelaovessezoen 2012, nömmer 4
Teks en Meziek: Ed Geilen en Petro Willems
Jaortal: 2012
Zangk: Gein Haor Baeter
CD: De Sjpeigel (2012)

Intro:
Vuil’se dich niet lekker, of beste aafgebrent,
Wirk de baas dich op de wekker es ‘r achter dich aanrent.
Sjörg-ze waeke langk mit dien zeel onger d’n erm,
Dan loup geer vas en zeker veur os sjlum ideeke werm.

Refrein:
Vastelaovend op recep………
En de krankekas betaalt de ganse kraom.
Daomit waer veer opgepep………
Dan knappe veer flink op en komme effekes op aom.
Me kreg gein drenkske zauf of pille veur de pien,
Went drie daag Vastelaovend in de beste millesien.
Vastelaovend op resep? Vastelaovend op resep!!

Koeplèt 1:
Ich waar al lang aan ’t sukkele, mit braatsje, plaatsje, pukkel,
de nerve sjpeelde mich al jaore op.
Begoosj al sjael te brazele, mit kneie knikke, razele,
’t woort ein bietje drök in miene kop
Doe gong ich nao d’n dokter en wit geer waat dae mich zeg?
Ich sjrief dich vastelaovend veur dan kump’se gans op krach.

Koeplèt 2:
Doe vloog ich nao de sjtad opaan, höb ich euveral aan mitgedaon,
Ich vonj de vastelaovend super sjoon.
Ouch lekker in ’t rondj gesjpronge, alle leidjes mitgezonge,
Wat zo’n goud recepke toch kent doon.
En nao get dröpkes sjikkere dach ich ’t is toch get,
De beste zeelekniepesj die sjtaon achter ’t beffet.

Koeplèt 3:
Ich waar d’r gans van opgeknap, en vuilde mich ouch niet meer sjlap,
Zegk dokter gaef mich ein vervolgresep.
Opens woort miene naam genuimp, ich haw ’t allemaol gedruimp,
Mien vrouw die reip mich wakker ’t waar mer nep.
Essj waar ich ram verpopzak mer doe dach ich ‘gein gezeur’,
De vastelaovend sjrief ich mich mer zellef lekker veur.

Sjlot:
Zonger risiko genaeze, eesj de biesjloeter gout laeze,
Bes’te dan nog neit gans zeker, vraog dan arts of apoteiker.
Kris’se vastelaovend op resep!!