’t Vuur van Vastelaovend

Vastelaovessezoen 2017, Nómmer 4
Teks en Meziek: Thei Wessels
Jaortal: 2017
Zangk: Paul-Jean Jessen
CD: Wae oh Wae (2017)

Koeplèt 1:
Kriebele kuute en jeuk ‘t sjpontaan
Of bruit ’t wie eine vulkaan
’t Käölke dat nog aan ’t gluije waar
Blaoze veer weier röstig aan
Went ós hertje sjteit te brènne
Wo veer gaer veur blieve rènne…

Refrein:
Kóm èns hie en laef dich èns oet
Hier rammelt de roet
Bie ós in de boet vanaovend
Kóm èns hie en laef dich èns oet
In ’t vuur van Vastelaovend
Laot de brandjwaer lekker thoes
Mer wae is ouch neit sjeloes
Op dit raozendgekke, raozendgekke, raozend gekkehoes…
Kóm èns hie dan ruukste ‘t kroet
Van ’t vuur van vastelaovend

Koeplèt 2:
Vlamp ’t van bènne dan blif ’t gelouf:
Plezeier dat wurt noots gerouf
Veer brènne ein kaers veur de zekerheid
Dat ós vurke nootsj mee douf
Went dat zal zich blieve wuile
Zolangk veer dao get bie vuile…