’t Gruuzesjträötje

Oet de Zittesje Revuu ‘De perpluuj wurt gerich’ (1995)
Teks & Meziek: Math Niël
Jaortal: 1995
Zangk: Math Niël & Thei Geilen
CD: De perpluu wurd gerich (1996)

Koeplèt 1:
Hie in ’t gruuzesjträötje en ouch dao ròndj òm bie,
dao woone heel gèt luukes, die zeen kontent en blie.
Al höbbe ze gein sente en sjieke kleier aan,
ze laeve wie ze laeve, van hun kènste op aan.

Refrein:
Jao, dat is ein zittesje volksbuurt, woo gans Zitterd greutsj op is.
Die kumpste sjtrak gaar niet mee taenge, ich zègk uch dat is ein gemis.

Koeplèt 2:
Ouch woone die van Mols dao, femieje van dae man,
dae zoo lang hauw gezaete, onsjöldig es mer kan.
Wae kènt neit dat kaffeeke, dat heisj noe de Magneet,
dao ligke alle mansluuj, die maake dao pas keet.

Koeplèt 3:
Zoo woont dao Harie Lötjes, getrouwd mit zien Marie,
is zoo te zeen gelökkig, mer sjoewt zich veur die prie.
Die kènt toch flink te keer gaon es hae weier zaat kump thoes,
veural ’t zòndigs saoves, dan heurste dao gesjpoes.

Koeplèt 4:
Dae Harie waggelentaere, dae baet dan gans hel op,
en vlouk d’r tösje door noch, mer rich zich dan tot God.
Want veursjpraok haet dae man waal, dae is och waal èns braaf,
want höbste pien door ònval, dae baet dich die waal aaf.

Koeplèt 5:
D’r woont ouch eine iesman, dat hauwt geer neit verwach,
en kump hae mit zien kerke, dan klink dat belke zach.
Dan renne alle poete, dat belke achteraa…..,
’t waar d’n auwe Meesj, jao, de pap van Nikela.