‘t Aller Aller Aller

Vastelaovessezoen 2019, Nómmer 3
Teks: Theo Weijman, Meziek: Mark Willems
Jaortal: 2019
Zangk: Lisa en Max Schiffler
CD: 1, 2, 3 Vastelaovend (2019)

Koeplèt 1:
Me wurt d’r mit gebaore, dat geit noots mee verlaore,
Dat virus hilt me hie zien laeve langk,
‘T sjtruimp dich door de aore, versjtèrk zich door de jaore,
Gevoud mit Sjaele kal en sjoon gezangk…

Refrein:
‘T allergrootste, ‘t aller-vètste, ‘t aller-gekste, ‘t aller-drökste,
‘T aller-coolste, ‘t aller-awste, ‘t aller-leukste en ‘t bekèndste,
‘T aller-vraemste, ‘t aller-bóntjste, ‘t muzikaalste en ouch ‘t gezèlligste,
‘T aller-sjoonste en aller-sjiekste fees is vastelaovend viere in ós Zittesj landj !

Koeplèt 2:
Mit rood-gael-gruine kleure, geit ‘t weijer gebeure,
Laammaekerie in ‘t Marotteriek,
Dus kómp gerös nao veure, en laot uch alle heure,
Noe sjprèngk en zèngk op dees te gèk meziek..

Refrein (2x)
La-la-la-la-laaa, la-la-la-la-laaa, la-la-la-la-laaa, la-la-la-la-laaa.
La-la-la-la-laaa, la-la-la-la-laaa, la-la-la-la-laaa, la-la-la-la-laaa.
‘T aller-vraemste, ‘t aller-bóntste, ‘t mezikaalste en ouch ‘t gezèlligste,
‘T aller-sjoonste en aller-sjiekste fees is vastelaovend viere in ós Zittesj landj!

Coda:
Gebaore en getaoge, jao, veer zeen van Zitterd,
Vastelaovend zit veur altied in ós bloud !