Sjöppe

Oet de Zittesje Revuu ‘De Perpluuj wurt gerich’ (1995)
Teks: Sjef Schurgers, Meziek: WW-band
Jaortal: 1995
Zangk: Lino Pani
CD: De perpluu wurd gerich (1996)

Refrein:
Sjöppe, veer mòtte sjöppe,
en veer sjöppe hiej in de gròndj.
En böttele, veer mòtte böttele,
mer veer kieke och waal èns in ’t ròndj.

Koeplèt 1:
Veer hauwte van d’n drèk, ummer eine broen nek.
De zòn, de wèntj en raenge, veer kènne d’r waal taenge.
De jònges oet de sjleuf, Math Harie Frens en Sjeuf.
De jònges oet de sjleuf, Math Harie Frens en Sjeuf.

Koeplèt 2:
Veer vuile lekker vriej, en fluite nao Marie.
Veer fluite nao al waat löp, van hiej pès aan de Kup.
De jònges oet de sjleuf, Math Harie Frens en Sjeuf.
De jònges oet de sjleuf, Math Harie Frens en Sjeuf.

Koeplèt 3:
Soms raake veer ein buus, sjpöt waater in oos kruus.
De sjöp is dan kepot, en ’t werk ligk oppe vot.
De jònges oet de sjleuf, Math Harie Frens en Sjeuf.
De jònges oet de sjleuf, Math Harie Frens en Sjeuf.