Rempetemp!

Oet de Zittesje Revuu ‘Zittesje Rempetemp’ (2001)
Teks: Sjef Schurgers, Meziek: Gian Prince
Jaortal: 2001
Zangk: Geert Cremers & Peter Schurkens
CD: Zittesje Rempetemp (2002)

Koeplèt 1:
’t Laeve is ein groote brök, die verbintj leit mit gelök.
Veer sjravele veuroet en neit meer trök.
Mer ’t hartgeklop heisj rempetemp, ’t hiltj os zo aan ’t wirk.
En maak van ’t gries in ’t laeve eine groote bontje sirk.
Dae rempetemp zit jederein bie gebeurte in zien bloud
Geer groote duujt hööm weg en das neit goud
Hae zörg dat gans vööl lache toch ooze kroon wurt van vermaak
Hae zörg dat eine trommelsjtek ’t vel ens richtig raak.

Refrein:
Jao jederaovend hiej opnuuj is de rempetemp revuu.
Hae is vanaovend gasheer hie van uch… beste luuj.
Noe laot hööm dan vanaovend toch ziene gank ens richtig gaon.
Allein al door dit saamesjpel kent revuu… veurt besjtaon.

Koeplèt 2:
Hae is de inspiratiebron veur de sjriever van dit sjtök
Vanzelf ontsjtaon de noote vol gelök
Hae vouwert ze wie moodermilk aan de sjpeelesj en meziek.
Hae maak daomit revuu zo onbesjievelik en riek.
Hae maak ’t ritme tot kadans wat de kleur wurt van de dans.
Het klappe van vööl henj brink hööm in trance,
’t tingele van ’t belke klein in de pauze is zie wirk.
Hae rammelt aeve mekkelik aan klokke van de kirk.