Plök de Daag

Zittesj Vastelaovesleidjes Konkoer 2025, Nómmer 3
Teks: Patrick werdens, Meziek: Maurice Indemans
Jaortal: 2025
Zangk: Dette & Maurice
CD: Plök de Daag

Refrein:
Jao, plök de daag 
Doe wits neit waat dich is gegaeve
Vier de vastelaovesdaag 
Waal neit mörge mer vandaag 
Es de sjoonste van dien laeve 
Jao, plök de daag 
Doe mós ‘t laeve richtig viere 
Mit dees vastelaovesdaag 
De tied dat alles èns maag 
Mós se lache danse zjwiere 

Koeplèt 1 
Same danse door de sjtraote, fees pès in de late nach
Zeen verkleid in felle kleure, geneitend van dees sjone prach 
Confetti vlug hoog door de lóch, meziek dae heurt me oppe sjtraot
Mit alle luuj zeen veer hie same, en jederein zingk in de maot 

Koeplèt 2
Vastelaovend in ós Zitterd, jao dat weite doe en ich
Gaon dan danse door de sjtraote, mit eine lach op ós gezich 
Veer blieve vrunj veur gans ‘t laeve, in ’t plezei’r dat ós verbindj
Same lache, same sjlachte, en dat is waat ós same bindj