Pekske klaor?

Zittesj Vastelaovesleidjes Konkoer 2023, Nómmer 2
Teks en Meziek: Guus Steinen
Jaortal: 2023
Zangk: Fieny Cals en Koor
CD: Zittesje Vastelaovessjlagesj 2023

Intro
Zo gaw ’t nuje jaor zien eesjte waeke haet geteld,
Wurd ós god-wèt-wie-dek per daag dees vraog gesjtèld ….

Refrein
Koor : enne ?? pekske klaor ??”
ach wie dèks me dat neit zaet ! nae, doe gluifs dien ore neit !
Koor : enne ??….pekske klaor ??”
ze wille weite wie ’t zit, jederein laef mit ós mit
Koor : zo geit dat : …jeder jaor  ..
ich vraog ’t ouch aan jederein, veer wille ’t weite óngerein
d’r wurd geknip, gepas, geneet, en veur de sjpeigel rondjgedreet
doe wits wie greutsj dats te dan bès, es ’t vastelaovend is

Koeplèt 1
In gans de buurt dao brent nog leich,
dèks nog pès deip nao middernach
Koor: dao wurd gesjoesterd en geneet
dao wurd geknip, gesjtik, gepas, bie de zovaëlste sjaterlach.
Koor: “Radio Nónnevot” dae maak de sjpas kómpleet
Mit leifde en plezeier zèt veer die pekskes in de pas
Mit vastelaovend hëb’ veer dan d’n allergrootste sjpas

Koeplèt 2
ouch bie de bekker, bie de sjlechter, jao
dao kump de vraog geheit:
Koor : ’t is get waat jeder weite mot
bie de kapper, de frituur, jao zèk wo vreeg m’n ’t dich neit ?
Koor : me vreeg dich euveral ’t humme van de vot.
en wits te waats te gans veur niks nog extra daobie krigs :
dat is de sjpas veuraaf, dae richtig onbetaalbaar is …

Brök
Paddapadapajdap … paddapadapajdap
dao wurd euveral gesjtik, dat geit van
tikkedikkedikkedikkedikkedik
paddapadapajdap … paddapadapajdap
dao wurd gepas, geneet gesjtik, pès dat ’t pekske vaerdig lik

Outro
en in de tösjetied, dat is ’t sjoons van al
boewe de mansluuj wages in de optochhal