Noe hie en mit dich

N

Teks en Meziek: Ger Muyrers
Jaortal: 2012
Zangk: Fieny Moerskofski & Jan van Daal
CD: Höbs doe ouch zo’ne zin? (2013)

Refrein:
Noe hie en mit dich, wil ich sjonkele, lache en sjwiere
Noe hie en mit dich, wil ich Vastelaovend viere.
Noe hie en mit dich, wil ich danse pés dat de maon verdwient.
En es mörge ’t zunke weier sjient, zeng ich Noe hie en mit dich.

Koeplèt 1:
Doe blie en ich blie, waat ein gelök,
Geefs doe mich ein muulke, gaef ich dich ein trök.
Hendje in hendje, zo zuus-te os gaon.
Twee hertjes die kloppe, twee hertjes die sjlaon.
Mien zorg zeen verdwene, ich weit neit wo haer.
Maar dat kent mich niks sjaele, want ich haw ze niet gaer.

Koeplèt 2:
Same geneite, same d’r op oet.
Doe höbs wie ze zegge, ein lekker sjnoet.
Veer danse ein welske, midde op de sjtraot.
En zenge os leidje, gans sjoon in de maot.
De vlinders die kriebele, in miene boek.
Ich plök dich ein blömke, eine ganse grote sjtroek.

Koeplèt 3:
’t Is Vastelaovend, Zitterd Alaaf.
Veer sjonkele same, de Mert op een aaf.
Veer drenke ’n dröpke, eint hie en eint dao.
En trekke d’n optoch mer weier achternao.
Kom gaef mich ein muulke, ich wil dich neit kwiet.
Jao, dan blieve veer same, ver èns en altied.