Mien Zitterd

Zittesj Vastelaovesleidjes Konkoer 2024
Teks: Bep Verblakt; Meziek: Marc Verblakt
Jaortal: 2024
Zangk: Fieny Cals
CD: Ich Aom Zitterd (2024)

Koeplèt 1
Mien awwesj hoes, dat hie nog sjteit.
’t Sjoon Kirkplien, wo de kirkklok sjleit.
De Mert, de Gats en ouch dae sjaele kal
Veer sjpeelde dèks op diene Wal.
Waat zeen veer toch riek mit dich es ós sjtad.
Dien sjoon tradisies wurt me noots zat.

Refrein
Zitterd, Zitterd,
Ich bèn greutsj op dich.
Zitterd, Zitterd
Mien hart sjleit veur dich.
Went doe bès mien leifde
Ich hawt van dich
Went doe brings dae lach op mien gezich

Koeplèt 2
De Kolleberg en Sjteine Sjloes
Es vastelaovend hie in Zitterd broesj
De klatsj, de kal, zo greutsj op oze Toon
Zo manjefiek, ei sjoon icoon
Waat zeen veer toch riek mit dich es ós sjtad
Dien sjoon tradisies wurd me noots zat.

Brök
En höbs te besjlaote,
dien sjtad te verlaote,
dan dènks te mit weemoud trök

Outro
Ós klein sjtad Zitterd
ei paradies op aerd
Doe bès jedere hartsjlaag waerd