Mien tröötje

Vastelaovessezoen 2000, Nómmer 3
Teks: Henny Lubbers, Meziek: Henny Lubbers & Piet Knarren
Jaortal: 2000
Zangk: Henny Lubbers
CD: De fraaje mit de Medaaje (2000)

Refrein:
Ich blaos op mien tröötje mit Carnaval.
Ich blaos op mien tröötje, ich trööt dan euveral.
Ich blaos op mien tröötje want dat tröötje is van mich.
En dae mich aan mien tröötje kump, dae kump dan ouch aan mich.
En dae mich aan mien tröötje kump, jao, dae kump dan ouch aan mich.

Koeplèt 1:
Es kleine jòng, koch pap veur mich ei tröötje oppe mert.
Hae zag doe taege mich: Jòng blaos, ’t is nog gein konsert.
De eesjte jaore koum dao oet allein mer ta ta ta.
Mer noe sjpeel ich al baeter en blaos mi fa sol la.

Koeplèt 2:
’t Ganse jaor, dan sjpich ich mich op drie daag Carnaval.
Dat is veur mich ’t sjoonste dat geit mich baovenal.
’t Kriebelt mich dan maonje lank, dat geit mich aan de pens.
Dan pòts ich weier mien tröötje en blaos veur al mien “fans”.

Koeplèt 3:
En nao die daag, dan pak ich dan mien tröötje mer weier in.
Want ’t ganse jaor lank blaoze, dat haet toch geine zin.
En es ’t weier gekòmme is, d’n tied van Carnaval,
dan pak ich weier mien tröötje en blaos weier euveral.

Leste extra refrein:
Ich blaos op mien tröötje, ich trööt mit carnaval.
Ich blaos op mien tröötje, ich trööt dan euveral.
Ich blaos op mien tröötje want dat tröötje is van mich.
En dae mich aan mien tröötje kump, dae kump dan ouch aan mich.
En dae mich aan mien tröötje kump, jao, dae kump …
jao, dae kump … jao, dae kump dan ouch aan mich.