Mien Serenade

M

Oet de Zittesje Revuu ‘Zitterd Broesj’ (1998)
Teks: Math Niël, Meziek: Jan Theelen
Jaortal: 1998
Zangk: Peter Schurkens
CD: Zitterd Broesj (1999)

Refrein:
Ich zèng mien serenade, veur dich ooh Mon Amour.
Doe bès ’t sjoonste Loesje, ’t leifste poesje van de Lèmbour.
Ich brèng dich dees Balade, ich bèn toch zo verleif.
Daalik löpste veurbie, litsj ich oet, non de pie, bès toch miene hartedeif.

Koeplèt:
Oh mia more, crescendo perquei, forte fortuna perlei.
Kóm toch mien leifste, ich hauwt toch ’t meiste,
van dich, bie mich hie op ’t daak
Wachte dat doert ummer lang, doe bès woo ich nao verlang.