Mieke

Téks: Cor Geelen, Meziek: René Haustermans
Jaortal: 2006
Zangk: René Dirkx
CD: Dat kent gebeure (2009)

Refrein:
Mieke maak mich de deur noe aope en laot mich neit bevreize
Mieke ich barsj noe van de Sllaop, en ich wil dich gaaroets neit verleize.
Mit vastelaovend bèn ich drie daag langk van hoes,
Mit Esjelegounsdig kom ich dan veurgout weier toes.
Mieke maak mich de deur noe aope, en laot mich gauw nao bènne,
Mieke waat ich dich noe belaof, ich zal dich fein ’t ganse jaor verwènne.

Koeplèt 1:
Mit vastelaoveszòndig dan begint veur mich ’t fees,
Ich zét mich dan ein maske op van ‘t ein of anger bees.
Dan trek ich mit den Optoch mit en loup dan gans veuraan,
Ich blaos neit mit ‘t kapelke mit, mér draag dao waal de vaen

Koeplèt 2:
Vastelaovesmaondig is veur mich de sjoonste daag,
Dan höb ich waal al väöl te vruig ein sjtök in miene kraag.
’t Is dan pas ein oer of ach dan wil ich al nao hoes,
Vénj ich dan geine waeg, dan sjlaop ich bie de Sjteine Sjloes.

Koeplèt 3:
Mit vastelaovesdaensdig dan bén ich der weier bie,
En sjmiet dan applesiene ròndj, en maak de kènjer blie.
En wurt ’t dan middernach dan geit ’t maske aaf,
Veer gaon dan nao de Kolleberg dao vèndj ‘t dan zien graaf.