Mie Zitterd

Teks: Thuur Laudy, Meziek: Jo Erens

Koeplèt 1:
Dèks kòm ich nog trök, al is dat nao jaore,
woo ich schpeelde, mien vrunj hauw en ouch ben gebaore.
En mooder in ’t Zittesch vertèlselkes lous,
die ich dan d’r nao nog èns opzeèkke mous.
De taal die ze leerde, die gouf ze mich mit,
en die me vanzelf ouch noots vergit.

Refrein:
Al is hie gein zee, gein dune, gei schtrantj,
toch hauwt ich van dich, mie Zitterd, mie landj.
Want woo ich ouch kòm, of woo ich ouch woon,
doe Zitterd, doe schpins toch veur mich nog de kroon.

Koeplèt 2:
En zeen ich dien buim in ’t veurjaor weier bluie,
es de haver, de terf en ’t kaore geit gruie,
dien weie vol blömkes, zoo wiet es me zut,
dan is ’t ei schpreukske, waat Zitterd òs bud.
En zènge de veugel dan ouch nog hun wies,
dan bès doe veur mich ein aartsparadies.

Koeplèt 3:
En tref ich ze weier, die troew auw gezichte,
woo ich maonje d’r veur, mich zoo kan op schpichte,
dan zuik ich de plaetskes woo’g vruiger haer gòng,
dao ònger dat bömke, woo ’t benkske èns schtòng,
en kiek nao d’n hemel, zoo helder en blauw.
Mie leif Zittesch landj, dich vergaet ich neit gauw