Laot mich mèr sjòffele

L

Vastelaovessezoen 2002, Nómmer 2
Teks & Meziek: John Smeets & Gian Prince
Jaortal: 2002
Zangk: Cyrille Niël
CD: Zittesje Rempetemp (2002)


Refrein:
Laot mich mèr sjòffele op mien pantòffele,
Sjoon maskes zeen hiej zat, dansde mich de zaole plat
Laot mich mèr sjòffele op mien pantòffele,
Vraog ich òm eine dans, sjtraks dan höb ich ouch nog sjans
Mit vastelaovend kèn ich doon waat ich wil
Mien vuit die sjtaon dan drie daag neit mee sjtil

Koeplèt 1:
‘t is begoosj èns bie ein trouwerie
Doe dansde ich ein welske mit tant Mie
Zo’n welske vonj ich väöl te zuit
Biej jeder dree sjtòng ich häör oppe vuit
Noe gaon ich op vastelaovestoer
En dans hiej de läöker in de vloer

Koeplèt 2:
‘ne Tango dat vònj ich toch pritsj
Ich sjòffelaer bèn doe oetgelitsj
Bedank, mèr zoget kèn ich gaaroets neit
Reet tant Mie de vouring oet ‘t kleid
Bèn mèr gesjtop mit dat gemaor
Dat getrampel mit tant Mie van Lhaor

Koeplèt 3:
Gister dansde ich mit Marejon
Die knalde ich get hel taege de plèfong
Jao aan die mösj waar ich doe ram verkoch
Mèr ocherm, deze mörge hòng ze nog.
Gein mechelke dat hiej nog mit mich sjwingk
Zolang es Marejon dao baove hingk