Klompe Keub

K

Vastelaovessezoen 2001, Nómmer 2
Tekst & Meziek: John Smeets & Gian Prince
Jaortal: 2001
Zangk: Cyrille Niël
CD: Wurt eine Laammaeker gebaore (2001)

Refrein:
Dao is oze jóng toch weier, Keub, d´n awwe trampelaer.
Mit de klómpe aan zien peut taffelt euveral doorhaer.
Mit die remmele aan de vuit vilt ´r ummer op zien kuit.
Löp ´r nao de maedjes haer, d´n awwe sjóffelaer …

Koeplèt 1:
Löp hae in zien nuut jacket, nóndepie, dat geef kachet.
Klómpe aan en sjlips d´r bie en op zien kroot ´ne hoge ziej.
Keub geit daag en nach op sjtap, haet op heel get vuit getrap.
Biej de vrouluuj haet ´r sjans, en dat kump door dae klómpendans.

Koeplèt 2:
Geit ´r mit de sjötterie, löp es generaal d´r biej.
Jederein dae hiltj zich vas, maak mit zien klómpe paradepas.
Jederfein dae veur ´m löp, wurt ónger de vot gesjöp.
Klómpe aan en sjteek oppe kop, löp hae greutsj mit in daen tróp.