Kiek in ‘t glaeske

K

Teks & Meziek: Toon Hermans
Jaortal: 1955
Zangk: Toon hermans (org.) / div.


Koeplèt 1:
In de Baandert dao bluit geine wien en d’n Donau, dae löp neit door Zitterd.
De Mosel dae bluit neit zoo wiet van de Rien, wo Pitter en Wullemke bittert.
Veer trèkke de krach oet ‘t kaore en zènge bie beier of klaore:

Refrein:
Kiek in ‘t glaeske en sjlik Madam, kiek in ‘t glaeske en sjlik.
Waer neit te zaat, neit al te laat, hauwt mit ei sjlukske d’amanjele naat.
Kiek in ‘t glaeske en sjlik Madam, kiek in ‘t glaeske en sjlik.
Zoolang es van bènne dat hertje nog tik, kiek in ‘t glaeske en sjlik.

Koeplèt 2:
Ooze Mèrt haet niks van Place Pigalle, mèr cafékes om ech van te sjmölle.
Veer kènne gein Alpe mèr waal eine wal, veer höbbe d’n Dom neit van Kölle.
Veer höbbe ‘t Prinsdom gekaoze om driemaol per jaor èns te raoze.

Koeplèt 3:
In de Watersjlei lik geine sjnee, veer zeen neit in Zurich of Bazel.
Me sjprik hie gein Engelsj en drink geinen tee, me sjprik hie van wauwel en brazel.
Oos Keutelbaek kent geine gondel, dit leidje dat is neit van Vondel.

Kiek in ‘t glaeske (Gezonge door Bertus Willems, Waolse Medammecour 2000)

Discografie:
LP:
Zittesj Prèntebouk (1984); zangk: Thei Hunnekens
LP:
Zittesje Vastelaovend door de jaore haer; zangk: Thei Hunnekens
CD:
Wurt eine Laammaeker gebaore (2001); zangk: Jan van Daal
CD:
Grenzeloos Grandijoos (2003); zangk: Marotte CD Koor