Jubilei

Teks & Meziek: Jan & Zef van Daal
Jaortal: 1993
Zangk: Jan van Daal
CD: De Marottesirk trèk wieër (1994)

Refrein:
Enne Hoerae van Zitterd dae wit van besjeit,
wie eeuwe bie òs, Vastelaovend besjteit.
Auw wiever, Marotte in bòntje klamotte,
die hauwte dem vas pes ’t gaar neit mee geit.
Enne hoerae van Zitterd dae wit van besjeit,
wie eeuwe bie òs, Vastelaovend besjteit.
Auw wiever, Marotte in bòntje klamotte,
die hauwte dem vas pes ’t gaar neit mee geit.

Koeplèt 1:
Bie ’n lekker werm sjtouf en ei lekker segaerke,
woort oots bie “Franciscus” ein klup opgerich.
Ze heisjde “Marotte”, me drònk gaer ei glaeske,
en hauwe es motto: “De Perpluu wurt gerich”.

Koeplèt 2:
En ze vui’rde mit braanie d’n optoch door Zitterd,
en heile hun Zittinge veur alleney.
Op bals woort gedans en daobie ouch gebitterd.
Ouch doe vloog door Zitterd al de Pappegey.

Koeplèt 3:
En nao hònderd en ellef jaor is noe gebleeke,
dat’n Hoerae in Zitterd noch ummer besjteit.
Hae hiltj van zie Maske, haet ummer zien sjtreeke,
hae viert Vastelaovend zoo lang es ’t geit.