Jozeeke

Vastelaovessjlaager 1976
Teks & Meziek: Jeun Schelberg
Jaortal: 1976
Zangk: div.

Refrein:
Mit Jozeeke aan ’t teeke, mit Jozeeke in d’n erm.
Haet Jozeeke dich bekeeke, krigse ’t van benne en van boete,
zelfs nog door de dikste roete, krigse ’t van alle kantje werm.

Koeplèt 1:
Jozee van bie os naeve, is goad in muulkes gaeve.
Doe höbs al gauw ein klaeve, al rense veur dien laeve.
Doe mos ech op ‘m passe, ’t is ein kendj van klasse.
Mer doe wils ‘m gaar neit kwiet, gaar neit kwiet, gaar neit kwiet,
mer doe wils ‘m gaar neit kwiet, in de Vasteloavestied.

Koeplèt 2:
Jozee, dat Zittisj maedje, tap oet ein Zittisj vaetje.
Doe houfs neit d’rop te wachte, ’t is al drek aan ’t sjlachte.
In jeeder klein kafeeke, dao trufste oos Jozeeke.
Mer ’t geit toch nootsj te wied, nootsj te wied, nootsj te wied.
Mer ’t geit toch nootsj te wied, in de vastelaovestied.

Discografie:
LP: Zitterd Alaaf (1988); zangk: Boeb van Elssen
CD: Duuje (2007); zangk: Ron Hunnekens
CD: Jo de La (2011); zangk: Paul Ruigt
CD: Doe höbs de kop los; zangk: Chris Maas