Jederein dae is geliek

Vastelaovessezoen 1997, Nómmer 4
Teks: Frans van Binsbergen, Meziek: Math Niël
Jaortal: 1997
Zangk: Jan van Daal
CD: En toch, en toch (1997)

Refrein:
Al bèste erm of bèste riek, jao jederein, dae is geliek,
es ich zo òm mich haer èns kiek, hie in oos sjoon Marotteriek.
Jeederein haet drie daag sjpas, egaal dan welke kleur de jas.
Zo geit dat ummer weier opnuu in Zitterd ònger ein perpluu.

Koeplèt 1:
D’n doktor geit es baedelaer, d’n erme jòng es miljonaer.
De dreksman dae is sjpisjaalis, doe wèts neit wae of waat wae is.

Koeplèt 2:
De bekker löp es zeeman ròndj, en zjwarte Trees, dat is dan blòndj.
D’n inbraeker dae is dan plis, doe wèts neit wae of waat wae is.

Koeplèt 3:
De sjportman lop drie daag gans sjtief, ein Zittisj kèndj, dat wurt auwt wief.
Ein auw van daage vuilt zich Miss, doe wèts neit wae of waat wae is.