Hoog ‘t rood, gael, gruin

H

Teks & Meziek: Krier & Helmer
Jaortal: 1928
Zangk: div.


Koeplèt 1:
Jubelt en zèngt dit jaor mit òs Marotte mit,
Veer hauwte fees wie laamaeker en hoerae wit,
Viert dan dees 4 maol 11 jaor mit gouwe moud,
Tuint éns dae waoren aard van ‘t richtig Zittesj bloud.
Sjpréngt dan en danst, verzoemp geinein Marottebal,
Es feynste veurprouf van oos jubelcarnaval,
En dan sjprik ‘t vanzelf,
Viert ‘t 4 maol 11
Mit heel vööl gekke kal.

Refrein:
Hoog ‘t rood, gael, gruin,…
Hoog oos sjoon Marotte kleure,
Hun bliev’ veer troe,…
Waat ouch ootd nog zal gebeure.
Wieze raod en vorst,…
Blift oos riek nog lang regeire,
Doot jaor op jaor,…
Vastelaovend mee floreire !

Koeplèt 2:
Kleure zoo wònjersjoon van oos Marotteriek,
Is oppe ganse welt waal ein aan uch geliek ?
Prechtig symbool van ooze vastelaovessjpas,
Kleure zoo geyn en frisj aan uche hauwt veer vas.
Vleig òs veuroet doe gekke Pappegey vleig vrie,
Bés es wie jeder jaor zoo mònter en zoo blie,
En dan sjprik ‘t vanzelf,
Viert ‘t 4 maol 11,
Mit vööl laamaekerie !


Discografie:
CD:
Grenzeloos Grandijoos (2003); zangk: Marotte CD Koor
CD:
Grenzeloos Grandijoos (2003); zangk: Marotte CD Koor (Latino versie, arr. Gian Prince)
CD:
Zitterd dreet door (2014); gesjpeeld door Hermenie St. Joep (instrumentaal)
CD:
Doe höbs de kop los; zangk: Chris Maas mit de Marottekapel