Hiej brent de lamp

H

Vastelaovessjlaager 1995
Teks & Meziek: John Smeets & Gian Prince
Jaortal: 1995
Zangk: Math Niël
CD: Hie brent de lamp (1995)

Refrein:
Hiej brent de lamp, es Keub d’n trèkzak aope rit.
Hiej brent de lamp, es hae zich in de vastelaovesprölle sjmit.
Dan sjpeelt hae hiej mit väöl bravoer, de sjilderiekes van de moer.
Da’s geine ramp, hiej brent de lamp.

Koeplèt 1:
Keub sjpeelt hiej noe de ganse waek, van Laohr pès aan de Keutelbaek,
van Heksesjans pès aan de Paatesjkirk,
Mit Vastelaovend mòt Keub gaon, dan is ‘r gaar neit weg te sjlaon,
hiej in de bòntje Vastelaovessirk.
Es hae sjpeelt dan mòste heure wie dat klink,
en jeeder Laammaeker in Zitterd dae dan zink ?

Koeplèt 2:
Gans Zitterd is wei’r oppe bein, os sjtedje is hie väöl te klein,
want keub dae geef ‘m effe van ketoen.
Dan rit hae zienen trèkzak vol, sjteit hie de kraom van maskes bol,
dan trèk hae hiej de prol nog oet fètsoen.
Es Zitterd gaas geef, sjpeelt hae väöl te flot,
dan rit hae zienen trèkzak ram kepot.