Hey Hey Marie

H

Vastelaovessezoen 2008, Nómmer 2
Teks en Meziek: Reinhard Wind
Jaortal: 2008
Zangk: Ron Hunnekens
CD: Wie zuus doe oet (2008)


Refrein:
Hey Hey Marie
Doe bes ein richtig Vastelaovesprie
Verkleid es auwt wief haols dich alles oet de kas
En hobs doe drie daag lank allein mer lol en sjpas
Hey Hey marie
Veur dich gaon driej daag alle mansluuj gaer opzie
Veur daste begins te sjlachte
Mer van dich krig nemes sjpiet
Went doe geis toch noots te wiet

Koeplèt 1:
Marie dat is ein klasse meid van drie maol ellef jaor
En sjteit wie jeder jaor veur de Vastelaovend klaor
Dan is zie neit te hawte, gaon alle remme los
Jao es Marie van laer trek is jederein de klos
Vergeit dich alle maud
Went sjlachte kent zie goud

Koeplèt 2:
Marie dat kumste taege oppe Mert en in de sjtad
En kiek mer veur ‘m oet, went zie moelt dich drie daag plat
Went haet zie dich gesjaoet, sjnap zie dich in d’n erm
Dan brik bie dich de sjweit oet, dan krigste ’t richtig werm
Want Marie sjprik dich aan
Dan beste de banaan

Koeplèt 3:
Pes daensdigaovend twellef oere lop zie hiej nog rondj
Mer dan geit gans gewis ouch haor maske in de grondj
Dan is ’t aafgeloupe, gedaon zaet dan die prie
Dan vilt d’r niks te sjlachte, dan is ’t gans veurbie
Zie zaet dan mit ein traon
Ich mot noe heivesj gaon