Gedaon

Oet de Zittesje Revuu ‘De perpluuj wurd gerich’ (1995)
Teks: Sjef Schurgers, Meziek: Jan van Daal
Jaortal: 1995
Zangk: Jan van Daal, Math Niël, Thei Geilen, Peter Schurkens, Anja Bovendeaard
CD: De perpluu wurd gerich (1996)

Koeplèt 1:
D’n optoch is noe bènne luu, finale is begoosj,
veer richde weier de perpluu, waat sjoon dat geer ouch koosj.
Veer gaon noe sjloete, ’t is gedaon, veer laote uch noe heivesj gaon.

Refrein:
Gedaon, ’t is gedaon, de revuu is noe gedaon.
Ze woort veur Uch gebrach, mit eine traon en eine lach.
Leif luu, ’t is gedaon, veer mòtte heivesj, kòm, veer gaon.
De naas, die geit noe aaf, jao jao de naas die geit noe aaf.
Dit waar Zitterd, Zitterd alaaf, dit waar Zitterd alaaf.

Koeplèt 2:
Laamaekerie en klatergoud, die gònge door ein deur.
Ballèt en ouch vööl sjtòmme kal, dat gouf de wèlt weier kleur.
De lèste maote klinke hie, en dan is alles weier veurbie.

Koeplèt 3:
Get klounerie en vööl meziek, och Zitterd doe bès riek.
Veer sjlouge goud de hènj inein, ’t waor fien wie noe bliek.
Versjtaot uch goud en vööl gelök, veer zeen uch euver drie jaor trök.