Este lachs

Teks & Meziek: Guus Steinen
Jaortal: 2001
Zangk: Michele Tummers
CD: Dao höbste häöm dao (2005)

Refrein:
Este lachs dan bèste sjoonder !
Kòm, gank èns aeve veur de sjpeigel sjtaon
Este lachs gebeurt ein wònjer,
dan wurste teen..mesjien waal twintig maol zo sjoon.
Mit ‘ne lach geit alles baeter
Jao geluif dat mer van mich..
’n lank gezich dat hulp dich niks, veur geine maeter
lach nao ’t laeve..en ’t laeve lach nao dich.

Koeplèt 1:
Ich zeen waal dekser luuj mit ’t gezich pès oppe sjoon.
Dan dènk ich zouwe die dat zelf waal weite?
Dat koosj toch ouch gans angesj, Woveur zouwe die dat doon?
Die höbbe eine kop om op te sjeite.
Toch höb ich veur die luuj ’n goud resep:
Kiek in ’t sjpeigelke, en trèk ’n anger lup, want:

Koeplèt 2:
Noe kiek ens hiej in Zitterd Die gezichte om dich haer.
Ein is nog sjoonder es ’t anger Al die köpkes lache
Ja, waat wille veer nog meer?
Zelje zuuste ein… ’n bietsjke langer…
Veer höbbe neit veur niks altied gezach:
Dit is ’t sjtedje van plezeier en van de lach.. want: