Es Zitterd viert weier Carnaval

E

Teks & Meziek: Leo Meyers
Jaortal: 1950
Zangk: div.

Koeplèt 1:
Den tied van schpas is weier present, al in oos Zittesch landj.
Veer viere hööm zoo wie gewènd, de zörge aan de kantj.
Veer trèkke door de schtraote ròndj en jeder lach zich kaergezòndj.
De schpas zeen veer hie neit gauw muig, ’t geit door tot mörgevruig.

Refrein:
Es Zitterd viert weier Carneval,
Marottebal, vööl schaele kal.
Doe schoonste tied van ’t jaor,
veur dich schtaon veer weier klaor.
’t Maske euveral,
‘t wurd weier knal mit de Carneval.

Koeplèt 2:
Es zich alle luuj verkleie gaon, dan weit’ veer van bescheid.
Es ze mit verkesblaoze schlaon, dan weit veer woo ’t óm geit.
Tradisie hauwt veer altied vas, oos motto is: “Alaaf de schpas”.
Dat geit òs noots mee oet de kop, veer doon nog enne laepel drop.

Koeplèt 3:
Gans Zitterd schteit weier oppe kop, dat heurt noe zoo de bie.
Dae zich draan ergert, haet enne schtrop, dae kènt gein laammaekerie.
Veer viere dat zoo wie ’t heurt, eine gek, dae zich dao nog aan schteurt.
Alaaf, dae òm de lantaerepaol, mit hööm zèng veer allemaol.

Discografie:
LP: Zittesje leidjes raege (1982); gesjpeeld door de Marotte-kapel, zangk: Peter Eykenboom
LP: Zittesje Vastelaovend door de jaore haer; zangk: Frans & Henny Lubbers
CD: 111 jaor Marotte Zitterd (1993); zangk: Peter Eykenboom
CD: Grenzeloos Grandijoos (2003); zangk: Marotte CD Koor