Effekes wénke

Vastelaovessezoen 2000, Nómmer 2
Teks & Meziek: Guus Steinen & Michele Tummers
Jaortal: 2000
Zangk: Michele Tummers & Guus Steinen
CD: De fraaje mit de Medaaje (2000)

Refrein:
Wénke, wénke, wénke nao die angere.
Wénke, wénke, wénke nao de res.
‘ns Effekes wénke, dat kènt alles d’rek verangere,
en ’t is zo lekker, este aan ’t wènke bès.
Alles om dich haer, dat gòng van gans allein,
es ederein ‘ns wénke douch op ederein.
Jao, wénke, wénke, wénke nao die angere,
dat brink de luuj en ’t gelök biejein.

Koeplèt 1:
Loup veer mit d’n optoch mit, sjwey veer zoo mit de handj.
Wénke nao de luuj, die sjtaon te kieke langs de kantj.
Baove op dae prinsewaage, waat ein sjoon gezich.
Es de prins te wénke sjteit en wénke deit op dich.

Koeplèt 2:
Sjteiste in ’n kaffee, en doe zuus ein leuke meid,
wénk dan effekes nao höör en ich sjwaer dich dat ze sjweyt.
Zo is ’t ouch mit mich gegange, zo gòng ’t genauw.
Die woo ich op gewénk höb, is al twintig jaor mien vrouw.

Koeplèt 3:
Es doe dich noe nog aaf vreegs, woo dat wénke noe veur deint.
Oots kump ste drachter, doe wurs op dien wénke weier bedeint.
Blief dao mer aan dènke, wénke is ein groot gesjènk.
‘ns Dèkser effekes wénke is dus ‘ne sjtille wénk.

Brök:
Es geer ‘ns effe wénke wilt, dan doot geer òs mer nao.
Dan wénke die van dao nao die en die nao die van dao …