Duuje

Vastelaovessjlaager 2007
Teks & Meziek: John Smeets & Gian Prince
Jaortal: 2007
Zangk: Cyrille Niël
CD: Duuje (2007)

Koeplèt 1:
Doe sjteis hiej teage ein geplek
’t beier löp dich langs de nek
de vastelaovessjpas wilste neit misse
Mien trööt die vol mit deuke zit
Es weier eine de deur aop sjmit
Doe kèns dich in de lol waal èns vergisse

Tössjesjpel:
Mèr leiver sjweite en ´t ’s aoves richtig blauw
Es boete sjtaon te verekke van de kauw……….

Refrein:
Duuje, duuje, duuje pès veer benne zeen
Egaal woos doe dich eine drenke geis
Duuje, duuje, duuje pès veer benne zeen
’t liek waal of ze in de file sjteis
’t eesjt nao lènks en dan nao rechs, ´t is bienao neit te doon
Mien pekske nao de klitse en de tuppe oet de sjoon
Duuje, duuje, duuje, pes veer benne zeen
Hie boete sjtaon nog zeker waal ein patsj of teen…

Koeplèt 2:
’t kapelke jao zo wie me zuut
Wurt nao ´t huske op geduujd
De bielemen die trampele nao benne
De vaandrig haet neit opgelèt
Lik mit zien vaan langs ´t beffet
Jao ich begin mich langzaam draan te wènne

Koeplèt 3:
Zo is al jaore hiej de sjpas
De knuip sjprènge mich van de jas
Mit vastelaovend geiste get belaeve
En ooze vors haet ei maleur
Hingk mit de sjlup tösje de deur
Serve dae tap van gekkigheid d´r naeve