Door ’t dölle haer

Vastelaovessjlaager 1998
Teks & Meziek: Thei Wessels
Jaortal: 1998
Zangk: Cyrille Niël & Geert Cremers
CD: Door ’t Dölle haer (1998)

Koeplèt 1:
Dao geit hie geine wie dae eine, pès ’t sjmörges oppe baan.
Noe kènt dat toere oere doere, mer dae krig gein ènj d’r aan…

Refrein:
Dat is dae, dae gisternach, gans de sjtad haet thoes gebrach.
Dae is neit nao hoes te sjlaon, dae blif wiejer gaon.
Dae geit aaf en toe èns gaer door ’t dölle haer.
Dus wae zich noe neit ammezeire kan : dènk èns aan dae man !

Koeplèt 2:
Kòm d’r bie en maak ’t d’raer, sjmiet dich auch èns in’t gewaer.
Gank mer door ’t dölle haer… lai la, lai la la…

Koeplèt 3:
Noe kiek höm sjörge pès de mörge, wie hae löp van krök nao krök.
Zo eine braave kènt ‘m paave, dat is eine, oet ei sjtök …

Koeplèt 4:
Ens effe röste zal ‘m löste, mer al zak hae ongeroet,
dan klinke boete blaeke toete, en dan mòt hae weier droet …