Doe mos toch get

Vastelaovessezoen 2007, Nómmer 2
Teks & Meziek: Thei Wessels
Jaortal: 2007
Zangk: Paul-Jean Jessen
CD: Duuje (2007)

Koeplèt 1:
Sjteiste op ein buun te zènge
Mer ’t lök neit van de angs
Sjteiste dich kepot te sjprènge
Mer d’n optoch kump neit langs
Wilste dich èns gaon verkleije
Mer doe krigs de kas neit aop
Kumpste heivesj oppe kneije
Luuj dan veert dich toch d’n haop……

Refrein:
Mer doe mos toch get. Mer doe mós toch get
’t Maak neit oet wieste ’t fliks
Mer doe mos toch get. Mer doe mós toch get
Ein bietje niks is mee es niks
En lök ’t dich veur geine maeter
Dan dènkste vas: “Waat deiste d’raan
Dat kènt ’t volgend jaor väöl baeter
Mer ja dao höbste noe niks aan”
Mer doe mos toch get. Mer doe mós toch get
Ein bietje niks is mee es niks

Koeplèt 2:
Wilste dich èns sjoon gaon sjminke
Mer doe höbs allein mer gries
Wilste tröötend oet gaon blinke
Mer me vreeg dich nao de wies
Wilste ’t beestig laat gaon make
Mer doe höbs allein mer sjlaop
En doe wils neit gaer verzake
Luuj dan veert dich toch d’n haop……

Koeplèt 3:
Sjteiste op ein buun te zènge
En doe dènk inèns: “Auwee
Twee refreine nog te brènge
Mer de res weit ich neit mee”……